Kamarian aluh takantut mandangar habar,Parusahaan nang di kampung sabalah bacarian urang cagaran dijadiakan pagawai tatap Parusahaan. Aluh takantut bahabar wan kakawanannya nang kaya, ijul lungur wan udin mganga.
Aluh takantu; “ kayapa buhannya,lamun kita umpatan mandaptar diParusahaan urang subarang tu, siapa tahu kita barajaki ”.
Udin nganga; “ unda akur haja luh ae,lamun ikam kayapa jul “
Ijul lungur; “ sama ae, unda apa jar bubuhan ikam ja “
Aluh takantu; “ mun kaya itu, kita lihati dulu persyaratannya buhannya ae “
Tiga kawanan nang rakat ne, tulakan kakampung sabalah manakuni persyaratan kalawan langsung ma urus segala macamnya.
Handap kisah, pas hari test wawancara tunggal ikungan bubuhannya dikiaui. Jadi nang panambayan ditest wawancara udin nganga. Pertanyaannya kada ngalih, 10 dikurangi 8 berapa?
Udin nganga; “ sapuluh dikurangi dalapan sama denga dua “
limbah tuntung manjawab udin nganga kada lulus. Baganti pulang wan ijul lungur, pertanyaannya 10 dikurangi 8 berapa ?
Ijul lungur; “ jalas ae dua jawabannya ”
sakalinya ijul lungur kada lulus jua. Nang panghabisan giliran aluh takantut, pertanyaannya sama haja ha pulang, 10 dikurangi 8 berapa?
Aluh takantut; “ lamun jawaban ulun tasarah pian pak ae, ulun sekedar melaksanakannya haja “
kada disangka-sangka aluh takantut sakalinya lulus, mandangar aluh takantut lulus ijul lungur wan udin nganga protes
Udin wan Ijul; “ Pak kanapa jawaban aluh takantut kaya itu maka lulus ”
Tukang test; “ jawaban aluh tu kada marugiakan, lawan kawa dibawai bekerja sama “.
Mandangar jawaban tukang test kaya itu, udin nganga wan ijul lungur masam muhanya.
Tidak ada komentar:
Posting Komentar