Aluh takantut kalihatannya pina haur banar, sabab malam kaina dirumahnya basalamatan, udin wan ijul disarui jua maka bubuhannya nang ba dua ne ba istilah kada makan dirumah. Malam harinya urang hibak sudah datangan karumah aluh, tamasuk ijul lungur wan udin nganga.
Habis sagala macam nang dibaca,lalu basurung makanan...ijul wan udin pina rajin manulungi umpat jua inya manyurungi makanan...ijul ba ucap lawan udin, " din kaina hajalah kita makanan " disahuti ijul " hi ih jul ae limbah urang bulikan haja gin ". ijul wan udin duduk malihati urang makanan, kada lawas tunggal ikungan urang bulikan.
udin nganga; " jul, urang bulikan sudah"
ijul lungur; " kita angkati ae piring kalawan nang lainnya din ae "
ijul wan udin manyimpuni, piring bakas urang makan diantarnya kadapur, limbah itu disapuinya ambal digulungnya. parut bubuhannya babunyi garurukan garurukan tapi ditahani buhannya sabab limbah ini pacang makanan jua. Aluh takantut malihati kakawanannya nang manulungi asa himung hatinya.
udin nganga; " jul adakah lagi piring dipalataran tu"
ijul lungur; " kadada lagi din ae "
udin nganga; " ya kah, dudukan kita dulu nah uyuh awak ku, hanyar kita makanan ".
Badudukan buhan nang ba dua tu,sambil maminum banyu teh, lalu ada nang ba ucap " uy...bubuhannya, siapa marasa nang balum makan ka dapurlah ". Mandangar disuruh urang kadapur ijul wan udin bagagas mandatangi, pas sudah sampai didapur, umanya aluh ba ucap " muhun maaf ae bubuhannyalah, iwak wan nasinya sudah habis " mandangar kaya itu udin wan ijul handak nangis..harap harap akhirnya tatiharap hahahaha
kiriman abah jamilah
Tidak ada komentar:
Posting Komentar