Kalayangan Kai Ciruk

Kada karasaan mulai pulang musim kalayangan, ijul lungur, udin nganga lawan aluh takantut pina kada tahu-tahu wan hari panas ka asikan manggalas banang.

Luh takantut...barapa buting ikam masuki ancurnya tadi, ujar udin nganga

aluh takantut; dua haja din ae..pas manukar tadi sisa dua an nya ja...

ijul lungur; kada kadikitan lah din mun dua ja ancurnya..

udin nganga; nang pasti tu incir pang banyu galasannya jul ae, tapi biar haja gin jul ae tapalanjur sudah.

Kada lawas tuntung bubuhanya manggalas banang..banangnya sudah dipaluntangi, kalayangan sudah di tali tarajui, tinggal manaik akan ja lagi..

udin..ambungi pang kalayangannya, ujar ijul lungur..

udin nganga; para kamana jul anginnya

aluh takantut; para kasini nah din, ikam ma ambungnya dihiga puhun asam tu ja..

ijul lungur; ya sudah situ ja gin, ambung din..

Kalayangan bubuhan naik suuuuutttttttt...........angin daras pulang mandukung banar gasan bategangan kalayangan...

jul..ijul..lihati ikam ada musuh belang palung lawan belang 3, jar aluh takantut sambil mancukung inya dihiga bamban...

udin nganga; cirukiiiii....

ijul lungur; hantakiiii....

aluh takantut; pina gemet inya manyahuti, ukiii..ukiii...hi hi hi hi

Kalayangan belang 3 manciruki ampun bubuhannya tapi si ijul lihai malapasakan, diperekannya sabalah kiwa, suuuuutttttt.....dibalik ijul pulang kalayangannya, langsung ae diciruki ijul lungur kalayangan belang 3 tadi suuuuuuuuuuttttttttttt, kada kisah cirukan kalayangan bubuhanya ne landang banar suuuuuuuutttttt.......batarus manciruk, bingung ijul lungur

ijul lungur; ae..ae kayapa buhannya kalayangan kita ne, di gual kada kawa di pere akan kada kawa lagi...nah nah ya am haur manciruk tarus neh

aluh takantut; ae bungul nya ajin bahantu kalu jul....

udin nganga; kada jua ah bisa lah kalayangan bahantu...

aluh takantut; bisa ae mun hakun, ikan nukar dimana gerang din..

udin nganga; unda manukarnya di higa jambatan kuning tu luh ae..

ijul lungur; baaaahhh...pantas ae manukar disitu, itu ulahan kai ciruk din ae

udin nganga; kayapa ae unda kada tahu, mau lah sarek....

aluh takantut; muar unda din ae, dangari tu jangan lagi manukar kalayangan disitu, haur manciruk tarus, satumat santar manciruk lagi, santar lagi maciruk, manciruk manciruk tarus..uyuuuh dech....