Mamutik Katapi

Hari pina handak hujan, tapi nang ngarannya aluh takantut tatap haja di kartak. Satumat-tumat bakuciak inya, kuluk...kuluk...hujaaaaaannn....kuluk...kuluk...hujaaaaannn, mandangar aluh takantut bakuciak udin nganga wan ijul lungur kaluar matan rumah manyasah aluh takantut. Kada lawas limbah bubuhanya bakuciak tadi turun hujan sing labatan, kahimungan banar bubuhan nang ba tiga ne, bukah ka hulu limbah itu ka hilir pulang.

Uyyyy luh...hadangi pang unda, ujar udin nganga,

aluh takantut; lakasi pang din, jangan tapi banganga tarus bukah tu, ijul lungur mambawai kita mutik katapi.

udin nganga; indah unda luh ae, kalu pina katahuan urangnya

aluh takantut; kita kena bapada jua lawan ampunnya

ijul lungur; bah ae ikam ne din ae, kada parcaya wan unda kah? masalah Pambakal nang ampun puhun katapi unda mahadapinya.

Limbah bapanderan kaya itu langsung bubuhannya karumah Pambakal..

Assalammualikum...ujar ijul lungur

Pambakal; wa alaikum salam, uma-uma ikam ne jul ba apa bahujan-hujan kasini...

ijul lungur; anu pambakal ae, buhan kami handak minta katapi, bulih kada?

Pambakal; ae putik ja mun ada nang masak, tapi ba ingatlah mun manaiki puhunnya ba hati-hati kalu pina gugur..

ijul lungur; inggih pambakal ae

Handap kisah, nang ba 3 tadi langsung manaiki puhun katapi

jul..apa jar Pambakal tadi, ujar aluh takantut

ijul lungur; jar sidin putiki ja mun ada nang masaknya

udin nganga; uh kaya itukah, mun kaya itu lakasi ja kita putiki tampulu kadada patir jul ae....

Garugus-garus bubuhannya mamutiki katapi, sasar batinggi manaikinya apalagi si aluh takantut inya ja nang paningginya banaik, wani hangit kada tahu hujan putik tarussss....

Buhannya..sudah ja gin kita mamutik katapinya, ujar ijul lungur...

udin nganga; ayu ae mun kaya itu, aluh hancapi kita turunan

Isuk harinya Pambakal takajut malihat buah katapi sidin tinggal nang mantahnya haja, "astaga ae ne pasti gawian bubuhan nang ba 3 samalam". Kada lawas limbah Pambakal gagarunuman datang bubuhanya nang 3 tadi karena disuruh mahadap Pambakal..

aluh takantut; ada apa Pambakal pian manyuruh kami datang?

Pambakal; handak tahulah buhan ikam tu, cuba ithi puhun katapiku, adalah buahnya nang masak lagi,kada ba ingat buhan ikam ne mamutiknya, kanapa luh..?

aluh takantut; maka jar ijul lungur, pian manyuruh putiki ja mun ada nang masak..

udin nganga; imbah itu kami putiki ae nang masaknya ja Pambakal ae sasuai suruhan pian..

Mandangar kaya itu muha Pambakal habang, hijau, kuning baubah-ubah kaya anguy kada sing panderan lagi sidin hahahaha.....