Udin nganga lawan Ijul lungur barancana bajalanan kakuta,sagala macanya sudah disiapakan dari sapida mutur lawan surat manyuratnya.
Isuk harinya bubuhan nang ba dua tu tulakan,ba sapatu, ba baju tabal sakira kada masuk angin, ijul lungur nan mambuncing. Kaluar matan kampung ijul ba ucap lawan udin......
ijul lungur; " udin...kita ne jalan laju kah gamat ?"
udin nganga; " laju haja jul ai sakira kita capat sampai ka kuta "
ijul lungur; " lamun kaya itu, bapingkut ikam pisit pisit "
Lalu ijul lungur manggas sapida mutur, nguuuuuuuuuuuuuuunngggg.......uma, udin bapisit bapingkut ka pinggamg ijul, sampai sampai hilim udin handak tapacul. nguung nguung nguuuuuuuuuunnnnggg.......sapida mutur urang dibalapnya, mutur trak ma'angkut pasir dibalapnya jua pukuknya napa haja dibalap ijul....dasar ijul kada ba ingat nangkaya disasah hantu ja lagi mangabut tarus nguuuuuuuuuuunnnnnngggggg...........
Bakakajutan udin nganga bakuciak
udin nganga; " jullll awas..... ada belokan tajam "
Mandangar kaya itu ijul lungur ma rem ciiiiiiiiiiiiiiiiiitttt......brakkkk tarujuk puhun pisang, tapi kada rabah bubuhannya, hancap ai udin nganga balimbah matan sapida mutur, malihati kalu pina ada nang rusak, di itihi udin dari higa ka muka urang rami jua malihati. Pas udin bapandir wan ijul, kada disahuti ijul napa jar udin neh dilapas udin ae hilim ijul, sakalinya mata ijul manciling wan muntungnya tanganga. Udin nganga bingung kanapa ijul jadi kaya ini, urang nang disitu hiran jua..sakalinya, sakalinya, waktu manjajak rem sapida mutur tadi, hintalu burung ijul nang sabiji tatindih pahanya.....he he he he
